A AGAMFEC foi invitada, na representación da Atención Primaria, a unha xornada divulgativa sobre a Incapacidade Temporal e o novo Real Decreto, organizada polo Sindicato CC.OO. Esta xornada tiña como fin pór de manifesto a nova situación que crea o novo Real Decreto 625/2014 (cuio percorrido activo iniciouse o pasado un de setembro). Esto permitiunos voltar a recalcar as ideas sobre a Incapacidade Temporal xa defendidas (repetitivamente) pola nosa Sociedade:
- A Incapacidade Temporal ten que considerarse un proceso clínico, non só un proceso burocrático e administrativo.
- A Incapacidade Temporal non debe recaer só nos profesionais da Atención Primaria, se non no médico da Especialidade que determine a incapacidade do paciente para traballar.
- Os novos tramos dos partes de confirmación son totalmente inaxeitados e confusos e só traerán erros administrativos.
- A nivel galego, seguimos insistindo no desenrolo do artigo 6 do Real Decreto 1299/2006, de Enfermedades Profesionais, para axilizar a sospeita diagnostica da mesma e o seu circuito de notificación máis simplificado, debendo reanuda-los traballos da mesa que se constituiu no SERGAS no 2012.
Por tal motivo, seguimos incidindo na necesidade de reconducir a situación que creará o Real Decreto 625/2014 na súa posta en marcha.