AGAMFEC e Grandes Amigos, ONG estatal con delegación en Vigo dedicada á prevención da soidade en maiores veñen de asinar un convenio de colaboración co obxectivo de colaborarmos na prevención desta problemática.
Grandes Amigos é unha ONG de voluntariado, sen ánimo de lucro, fundada en 2003 e que ten por obxectivo mellorar a vida das persoas maiores que senten soidade, a través de diferentes programas de prevención, acompañamento afectivo, socialización e sensibilización.
Desenvolve en Vigo unha serie de programas que se poden solicitar, ben as e os profesionais sanitarios/as, de residencias,cumprimentando a folla de derivación ou ben os propios maiores.
ACOMPAÑAMENTO AFECTIVO:
EN DOMICILIO ou EN RESIDENCIA. Consiste na visita semanal dunha persoa voluntaria que ofrece compañía e apoio afectivo á persoa maior, co obxectivo de mellorar a súa situación de soidade. Igualmente, ofrécese
ACOMPAÑAMENTO TELEFÓNICO, xa sexa como reforzo a ese acompañamento afectivo ou porque a persoa o demande concretamente pola súa situación persoal. Este consiste en acompañar afectivamente á persoa maior na distancia, ofrecéndolle compañía, dando contención afectiva a través de escóita activa e reducindo con iso os momentos de soidade que a persoa manifesta ter, co fin de aumentar a súa rede social. Pode realizarse a través do teléfono ou outras ferramentas telemáticas. En caso de non contar cos medios telemáticos necesarios, tamén se pode valorar o uso do correo ordinario.
GRANDES VECIÑOS
No barrio de Teis en Vigo Grazas a este programa de prevención da soidade, a persoa maior é posta en contacto con varios/ as veciños/ as tamén participantes preto do seu domicilio para compartir plans de lecer e intercambiar apoios e compartir vínculos sociais desde a proximidade e proximidade.
DATOS DE CONTACTO GRANDES AMIGOS
Correo electrónico: vigo@grandesamigos.org
Teléfono: 886 12 71 81 / 650 18 24 56