A Agamfec realiza un curso de Soporte Vitál Básico e Manexo de Desfibriladores Externos Semiautomáticos para a poboación xeral, enmarcado no “Programa ESVAP” (Programa de Ensino de Soporte Vital en Atención Primaria) da semFYC.
As instalacións da cadea de parafarmacias Salunatur en Vigo foi o lugar onde o pasado martes, un grupo de 8 persoas puideron aprender as técnicas de resucitación cardiopulmonar básicas de alta calidade, alerta ao servizo de emerxencias e manexo de desfibriladores en espazos públicos.
O alumnado asistente puido formarse e aprender estes conceptos grazas á utilización de manequíns de simulación con dispositivos electrónicos de feed-back e equipos de desfibrilación de última xeración.
