A prevención de erros médicos e eventos adversos centrará o congreso internacional, que organizado pola Universidade de Vigo, terá lugar os días 18 e 19 de setembro no Centro Social AFundación. Ao longo das dúas xornadas durante as que se prolongará a reunión, profesionais da Medicina e do Dereito abordarán as medidas e estratexias para prevención de erros médicos e eventos adversos, así como os sistemas de notificación, actualización formativa e as responsabilidades da Administración e dos centros que daqueles de poidan derivar. Profesionais do exercicio médico e de do dereito relacionados coa administración de xustiza, persoal directivo e de administración de centros sanitarios e estudantes universitarios dos ámbitos sanitario e do dereito, son os destinatarios deste congreso, que os seus organizadores consideran que se perfila como un dos máis importantes dos que se celebran en España.
Data de celebración: 18 y 19 de setembro 2014
Sede: Centro Social AFundación (antigo Centro Social Novacaixagalicia)
Enderezo: C/Policarpo Sanz, 24-26, Vigo
Web inscricion: http://practicamedicayderecho.webs.uvigo.es