A semFYC, a través da súa Sección de Investigación, convoca 6 axudas para a realización de teses doutorais. O obxectivo da presente convocatoria é contribuír á formación dos profesionais sanitarios de Atención Primaria na investigación en saúde e dar impulso ao desenvolvemento de teses doutorais que dean resposta ás lagoas do coñecemento na práctica da Medicina Familiar e Comunitaria.
CONDICIÓNS
6 bolsas dispoñibles de 3.000 euros brutos. Poderán optar a estas axudas todos os profesionais sanitarios de Medicina Familiar e Comunitaria, que sexan socios ou socias da semFYC, e que estean a cursar un programa de doutoramento no momento da solicitude. O tema deberá estar relacionado coa especialidade de Medicina Familiar e Comunitaria, e desenvolverse no ámbito da Medicina de Familia.
SOLICITUDES
En primeiro lugar os interesados deben presentar a solicitude cumprimentando o formulario electrónico, e posteriormente deben enviar toda a documentación relativa ao proxecto á Secretaría Científica da semFYC. A documentación só se aceptará en formato electrónico e remitirase mediante un e-mail a secretariacientifica@semfyc.es