Hai unhas semanas compartiamos o Decálogo sénior de coidados para o benestar persoal en tempos como o que estamos a vivir de emerxencia sanitaria pola COVID-19. En moitas ocasións, os coidadores cumpren un papel fundamental nese benestar e por iso hoxe achegamos estas Recomendacións para os coidadores cara persoas maiores en situación de illamento, oito simples pautas a seguir no día a día que poden axudar a que sexa máis levadeira a situación. Pero nesta tarefa a saúde dos coidadores tamén é de vital imporatncia e, por iso, compartimos tamén as Recomendacións se coidas a persoas maiores nunha situación de confinamento. 

Recomendacións para os coidadores cara persoas maiores en situación de illamento

1. Intente crear e manter un ambiente sereno, manter un ton positivo e cariñoso. Tranquilízao sobre o teu estado e o das persoas que lle importan.
2. A música axuda a crear un bo ambiente.
3. A rutina diaria é importante. Anímao a participar na rutina diaria dos coidados persoais, pregúntalle sobre os seus gustos…
4. Todos os días algo de exercicio e ventilación, asomarse polas fiestras ou balcóns.
5. Asegúrese de que come ben e ten os seus medicamentos. Comer en compañía na medida do posible. Podería valorarse un menú especial ocasional.
6. Asegúrese de que ten preto fotos ou algo persoal, proporciona notas de voz a través de WhatsApp… Faillas chegar preto do momento das comidas e da toma de medicamentos.
7. O entretemento en grupo tamén é importante. Compartir vivencias e inquedanzas, escoitar e responder ás preguntas expostas. Lémbralle a súa forza para afrontar situacións do pasado.
8. Invítao a involucrarse nos aplausos comunitarios no balcón e participar noutras actividades que se poñan en marcha.

---

Recomendacións se coidas a persoas maiores nunha situación de confinamento

1. Mantén as rutinas. Horas de traballo, actividades persoais e descansos diarios.
2. Fai exercicio.
3. Participa nas actividades de entretemento habituais da residencia coa mente aberta e goza.
4. Coida a túa medicación e fai unha dieta correcta. Non esquezas incluír algo especial no menú de cando en vez.
5. Se algunha das persoas fai preguntas ou está preocupada, responde con mensaxes sinxelas, tranquilizadoras e prácticas.
6. Asegúrese de que o ambiente sexa tranquilo e o mesmo se podes ir á túa casa. A música sempre é un bo aliado, unha película, escoitar programas de entretemento na radio ou comunicarse con xente coñecida axuda a gozar de bos momentos. Evite a saturación de mensaxes e programas de TV en relación á COVID-19.
7. Saír a tomar o aire pola fiestra ou o balcón é saudable e axuda a manter o contacto co exterior.
8. Lembre que o humor e a expresión de afecto son bos aliados para un bo día a día.
9. Coida de ti, comparte con outros coidadores, fala cos amigos, reserva tempo para ti e pide axuda se o necesitas. O teu benestar garante á persoa que coidas.