Ante a inminente posta en marcha da campaña de vacinación da COVID-19, que se vai levar a cabo nos centros de saúde de Atención Primaria, a Asociación de Enfermería Comunitaria (AEC), a Federación de Asociaciones de Enfermería Comunitaria y Atención Primaria (FAECAP) e a Sociedad Española de Medicina de Familia e Comunitaria (semFYC), trasladan á administracións públicas, tanto autonómicas como estatais, a súa preocupación polo que dita actividade poda supoñer na atención habitual á poboación.
Nun proceso tan complexo, pola súa loxística e volume de poboación a vacinar, enténdese que para garantir a atención que precisa se requiren equipos específicos e en horarios claramente diferenciados dos que habitual e diariamente atenden á poboación nos centros de saúde.
O solapamento das actividades, ademais do risco que nesta situación comportaría, suporía evidentes inconvenientes e problemas para poder atender adecuadamente as demandas de saúde da poboación, o que, sen dúbida, repercutiría de maneira moi negativa na organización dos equipos e na calidade da atención prestada por uns servizos xa de por si saturados.
Ante a falta de comunicación coas sociedades científicas e dada a proximidade de inicio da vacinación, as sociedades asinantes queren trasladar una proposta co ánimo de mellorar e facilitar todo o proceso, compatibilizándoo coa atención diaria prestada nos centros de saúde.