CURSOS AGAMFEC 2017. SOPORTE VITAL AVANZADO CARDIO-TRAUMATOLÓXICO. I EDICIÓN 2017
– FASE ONLINE: 20 FEBREIRO 2017-13 MARZO 2017
– FASE PRESENCIAL: 14 e 15 MARZO 2017
HOSPITAL COMARCAL MONFORTE DE LEMOS
OBXECTIVOS
– XERAIS Coñecer o substrato teórico e as habilidades técnicas que configuran o soporte vital avanzado co fin de previr e tratar o paro cardiorrespiratorio, así como o tratamento inicial avanzado do paciente politraumatizado.
– ESPECÍFICOS Unha vez superado o curso, o alumno será capaz de:
· Recoñecer a perda de consciencia.
· Realizar a apertura da vía aérea.
· Diagnosticar unha parada cardiorrespiratoria.
· Realizar adecuadamente as manobras de RCP básica.
· Realizar o illamento da vía aérea.
· Manexar adecuadamente as vías venosas.
· Coñecer o manexo das drogas que se utilizan no tratamento da PCR.
· Monitorizar o paciente para recoñecer e tratar as arritmias máis frecuentes.
· Realizar as técnicas de desfibrilación, cardioversión e electroestimulación cardiaca transcutánea.
· Integrarse no equipo de tratamento da PCR como director ou como parte do mesmo.
· Empregar os medios de inmobilización máis axeitados.
· Mobilizar e extricar a pacientes accidentados.
· Integrar a RCP en situacións de pacientes politraumatizados.
· Ofrecer ao paciente crítico un tratamento inicial integral dacordo á súa patoloxía.