A AGAMFEC ten que repetir, por desgracia, a sua oposición a medida que pretende asumir a conselleria de sanidade en contra do criterio do ministerio de sanidade. A falta de profesionais pola falta de planificación leva a toma de decisions que poden mesmo vulnerar a legalidade. Outra vez se pretende sen rubor considerar os residentes coma man de obra barata no lugar de profesionais en formación.
O feito de anticipar o fin da residencia para cubrir as vacacions dos titulares e mesmo a posibilidades de traballar en servicios de urxencias supón unha vulneración do período formativo, pero ten duas manifestacions do desprezo a Atención Primaria: por unha banda porque no cuarto ano é cando mais tempo pasan os residentes na consulta de AP co seu titor e semella que, como xa rotaron polo hospital, xa son médicos de familia de sobra, e ademáis supón unha falta de consideración polo esforzo e dedicación dos titores a sua labor docente, xa de por sí sen ningunha consideración nin recompensa.
Coma sociedade científica que defende a excelencia da formación dos residentes e como titores que somos a maioría de nos, pedimos a consellería que non asuma esta desconsideración cara a AP e os docentes se non quere que acabemos desertando desta tarefa tan mal recoñecida.